“მოვიაროთ და მოვუაროთ საქართველოს” (გასვლა N5)

“მოვიაროთ და მოვუაროთ საქართველოს” – ჯვართამაღლების ტაძრის სამრევლოს ახალგაზრდების ახალი ინიციატივა

კათოლიკოს-პატრიარქ ილია II-ის ლოცვა-კურთხევითა და ჯვართამაღლების სამრევლოს ინიციატივით, ტაძრის ახალგაზრდებმა დაიწყეს მომლოცველობა და საქართველოს სხვადასხვა ეპარქიისა და რეგიონის მონახულება სამოქალაქო აქტივობის ფორმატით.

ორგანიზატორების ინიციატივა ეძღვნება პატრიარქ ილიას მამამთავრობის 45 წლისთავს.

თითოეული გასვლა შედგება შემდეგი კომპონენტებისგან:

• ადგილობრივი ეპარქიის მღვდელმთავართან შეხვედრა;
• ეპარქიის წმინდა ადგილების მოლოცვა;
• რეგიონის კულტურულ-შემეცნებითი ადგილების მონახულება;
• რეგიონში ტერიტორიების დასუფთავება;
• ნერგების დარგვა.

მეხუთე გასვლა შედგა ახალციხისა და ტაო-კლარჯეთის ეპარქიაში, სამცხე-ჯავახეთში.